[東網巨星] 藝人張振朗接受電台訪問，講到無綫熱播劇《踩過界》在內地播出時反應很好，問到可是多了機會到內地發展？他謂：「如果有機會可以去內地發展，我希望帶啲港式文化去，因為佢哋好鍾意睇無厘頭嘅嘢。」他亦謂拍此劇拍檔王浩信幫了他很多：「佢成日叫我feel吓，開頭我真係feel唔到，慢慢就feel到啲，我哋又有諗啲自己嘢落去，好開心，啲觀眾都係鍾意睇我哋感覺好friend。」問到可想劇集開第三季？他坦言想，但要視乎反應及監製，但他開心表示出街多人叫他劇中角色名稱，亦開心終於搣甩翻版張智霖或翻版黃宗澤的稱號。